Dnk Live NEWS- ପୁଣି ବଢ଼ିଲା ତେଲ ଦର। ପେଟ୍ରୋଲ ଓ ଡିଜେଲ ଦରରେ ହଠାତ୍ ବୃଦ୍ଧି ଦେଖିବାକୁ ମିଳିଛି। ଆଜି ଭୁବନେଶ୍ୱରରେ ପେଟ୍ରୋଲ ଦର ପ୍ରତି ଲିଟର ୧୦୯ ଟଙ୍କା ୨୨ ପଇସାରେ ପହଞ୍ଚିଛି। ଗତକାଲି ଏହି ଦର ୧୦୬ ଟଙ୍କା ୨୭ ପଇସା ଥିଲା।
ଅର୍ଥାତ୍ ଦିନକ ମଧ୍ୟରେ ପେଟ୍ରୋଲ ପ୍ରାୟ ୨ ଟଙ୍କା ୯୫ ପଇସା ମହଙ୍ଗା ହୋଇଛି। ଏହି ବୃଦ୍ଧି ପରେ ଦୈନିକ ଗାଡ଼ି ବ୍ୟବହାର କରୁଥିବା ଲୋକଙ୍କ ଖର୍ଚ୍ଚ ଆଉ ବଢ଼ିବା ନିଶ୍ଚିତ। ବିଶେଷକରି ଅଫିସ ଯାଉଥିବା କର୍ମଚାରୀ, ଡେଲିଭରି କର୍ମୀ, ଅଟୋ ଚାଳକ ଓ ଛୋଟ ବ୍ୟବସାୟୀଙ୍କ ଉପରେ ଏହାର ସିଧା ପ୍ରଭାବ ପକାଇଛି।
ଡିଜେଲ ଦରରେ ମଧ୍ୟ ବଡ଼ ବୃଦ୍ଧି ହୋଇଛି। ଭୁବନେଶ୍ୱରରେ ଆଜି ଡିଜେଲ ଦର ପ୍ରତି ଲିଟର ୧୦୦ ଟଙ୍କା ୯୨ ପଇସା ରହିଛି। ଗତକାଲି ଡିଜେଲ ଦର ୯୭ ଟଙ୍କା ୮୯ ପଇସା ଥିଲା। ଏହା ଅର୍ଥ ଦିନକରେ ଡିଜେଲ ୩ ଟଙ୍କା ୩ ପଇସା ବଢ଼ିଛି।
ଡିଜେଲ ଦର ବଢ଼ିଲେ ତାହାର ପ୍ରଭାବ କେବଳ ଗାଡ଼ି ଚାଳକଙ୍କୁ ନୁହେଁ, ବଜାରକୁ ମଧ୍ୟ ଛୁଏ। ପରିବହନ ଖର୍ଚ୍ଚ ବଢ଼ିଲେ ସବ୍ଜି, ଫଳ, ଖାଦ୍ୟ ସାମଗ୍ରୀ ଓ ଦୈନିକ ବ୍ୟବହାର ଜିନିଷର ଦର ଉପରେ ଚାପ ପଡ଼ିପାରେ। ଏହା ସାଧାରଣ ପରିବାରର ମାସିକ ବଜେଟକୁ ଅସ୍ତବ୍ୟସ୍ତ କରିପାରେ।
ଗତ କିଛି ଦିନ ଧରି ଦେଶରେ ତେଲ ଦରରେ ଲଗାତାର ଚଢ଼ାଉ ଦେଖାଯାଉଛି। ରିପୋର୍ଟ ଅନୁସାରେ, ମେ ୨୫ରେ ତେଲ କମ୍ପାନୀମାନେ ପେଟ୍ରୋଲ ଦର ୨ ଟଙ୍କା ୬୧ ପଇସା ଓ ଡିଜେଲ ଦର ୨ ଟଙ୍କା ୭୧ ପଇସା ବଢ଼ାଇଥିଲେ। ଇରାନ ସଙ୍କଟ ପରେ ଦୁଇ ସପ୍ତାହରୁ କମ୍ ସମୟ ମଧ୍ୟରେ ଏହା ଚତୁର୍ଥ ଦରବୃଦ୍ଧି ବୋଲି ରିପୋର୍ଟରେ କୁହାଯାଇଛି।
Leave a Reply