ପ୍ରକୃତିକୁ ଉପଭୋଗ କରିଥିବା ବେଳେ ଦାଉ ସାଜିଲା କାଳବୈଶାଖୀ, ମଧ୍ୟପ୍ରଦେଶ ର ବର୍ଗି ଡ୍ୟାମରେ ବୁଡ଼ିଯାଇ ୧୦ ମୃତ,୧୦ ଏବେବି ନିଖୋଜ -

DNK LIVE NEWS- କାଳବୈଶାଖୀ ର କରାଳ ରୂପ ଗୋଟେ ମା ଠୁ ତା ମମତାକୁ ବି ଛଡାଇ ପାରିନଥିଲା । ଏଭଳି ହୃଦୟ ବିଦାରକ ଦୃଶ୍ୟକୁ ଶବ୍ଦରେ ବାନ୍ଧିବା ଅସମ୍ଭବ । ଶୁକ୍ରବାର ସଂଧ୍ୟାରେ ମଧ୍ୟପ୍ରଦେଶ, ଜବଲପୁର ର ବର୍ଗୀ ଡ଼୍ୟାମ ରେ ଘଟିଛି ଏମିତି ଛାତିଥରା ଦୁର୍ଘଟଣା । କ୍ରୁଜ୍ ବୋଟ୍ ରେ ବସି ପ୍ରକୃତିକୁ ଉପଭୋଗ କରୁଥିବା ପ୍ରାୟ ୪୦ ଜଣ ଭ୍ରମଣକାରୀ ଶିକାର ହୋଇଛନ୍ତି ହଠାତ୍ ମାଡ଼ି ଆସିଥିବା କାଳବୈଶାଖୀର । ସେଥିମଧ୍ୟରୁ ୨୦ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇ ଥିବାବେଳେ ଏପର୍ଯ୍ୟନ୍ତ ପ୍ରାୟ ୧୦ ଜଣଙ୍କର ମୃତ ଶରୀର ମଧ୍ୟ ଉଦ୍ଧାର କରାଯାଇଛି। ବାକି ସମସ୍ତ ଯାତ୍ରୀ ଏବେବି ନିଖୋଜ ଅଛନ୍ତି।

କିନ୍ତୁ ଏହି ଭୟଙ୍କର ଦୃଶ୍ୟ ମଧ୍ୟରେ ଜଣେ ମାଆର ପ୍ରେମ ଅମର ହୋଇଯାଇଛି । ସେହି ମା ଯିଏ ନିଜର ଶେଷ ନିଶ୍ୱାସ ପର୍ଯ୍ୟନ୍ତ ନିଜ ସନ୍ତାନକୁ ଛାତିରେ ଆଉଜାଇ ରଖିଥିଲେ । ଯିଏ ନିଜ ଜୀବନକୁ ଖାତିର ନକରି କେବଳ ଗୋଟିଏ ଚେଷ୍ଟା କରିଥିଲେ ନିଜ ପିଲାକୁ ସୁରକ୍ଷିତ ରଖିବା ପାଇଁ। ଏହି ଦୁର୍ଘଟଣା ଆମକୁ କନ୍ଦାଇ ଦେଇଛି, କିନ୍ତୁ ସାଙ୍ଗରେ ମମତାର ଏପରି ଏକ ନିଦର୍ଶନ ଦେଖାଇ ଦେଇଛି, ଯାହାକୁ ଶବ୍ଦରେ ବର୍ଣ୍ଣନା କରିବା କଷ୍ଟକର । ମାର ଭଲପାଇବା ଆଗରେ ପ୍ରକୃତି ବି ହାର ମାନିଛି । ନିଷ୍ଠୁର ନିୟତି ଯଦି ମମତାର ମୂଲ ବୁଝି ଥାଆନ୍ତା ତାହାଲେ କଣ ମା ଠାରୁ ତାର ମମତା ଛଡାଇ ନେଇ ଥାଆନ୍ତା ।