DANDAKARANYA MEDIA (OPC) PRIVATE LTD.

ଆମେରିକାକୁ ଗୋଟିଏ ପନ୍ଥା ଆପଣାଇବାକୁ ହେବ, ଯୁଧ୍ୟ ନହେଲେ ଶାନ୍ତି: ଇରାନ

Dnk Live News- ନିର୍ବାଚନ ପରେ ଇରାନର ବୈଦେଶିକ ମନ୍ତ୍ରୀ ଅବ୍ବାସ ଆରାଗଚି ହ୍ୱାଇଟ୍ ହାଉସକୁ ଏକ ବଡ଼ ତଥା ସ୍ପଷ୍ଟ ଚେତାବନୀ ଦେଇଛନ୍ତି। ସେ କହିଛନ୍ତି ଯେ ଆମେରିକା ପ୍ରଶାସନକୁ ବର୍ତ୍ତମାନ ଯୁଦ୍ଧ କିମ୍ବା କୂଟନୈତିକ ବୁଝାମଣା ମଧ୍ୟରୁ ଗୋଟିଏ ପନ୍ଥାକୁ ବାଛିବାକୁ ପଡ଼ିବ।

ସୋସିଆଲ ମିଡିଆ ଏକ୍ସ ରେ ଏକ ପୋଷ୍ଟ ସେୟାର କରି ଆରାଗଚି ଉଲ୍ଲେଖ କରିଛନ୍ତି ଯେ ଆମେରିକାର ଭୋଟରମାନେ ନିଜର ମତଦାନ ଜରିଆରେ ସେମାନଙ୍କର ନିଷ୍ପତ୍ତି ଶୁଣାଇ ସାରିଛନ୍ତି। ଏବେ ହ୍ୱାଇଟ୍ ହାଉସର ପାଳି ଆସିଛି, ସେମାନେ ମଧ୍ୟପ୍ରାଚ୍ୟରେ ଶାନ୍ତି ଚାହୁଁଛନ୍ତି ନା ଅଶାନ୍ତି, ତାହା ତୁରନ୍ତ ସ୍ଥିର କରନ୍ତୁ।

ଇରାନ ର ବୈଦେଶିକ ମନ୍ତ୍ରୀ ଆବାସ ଆର୍ଗାହି

ଇରାନ ପକ୍ଷରୁ ଦିଆଯାଇଥିବା ଦୁଇ ଦିନିଆ ପ୍ରସ୍ତାବ ଏବେ ବି ବିଚାରାଧୀନ ଅଛି ବୋଲି ସେ ଦୋହରାଇଛନ୍ତି। ଏହି ପ୍ରସ୍ତାବ ଅନୁଯାୟୀ, ସମସ୍ତ ମୋର୍ଚ୍ଚାରେ ତୁରନ୍ତ ଯୁଦ୍ଧ ବନ୍ଦ କରାଯିବା ସହିତ ଅନ୍ୟାନ୍ୟ ପ୍ରମୁଖ ସର୍ତ୍ତ ପୂରଣ କରାଗଲେ, ଏହାର ସକାରାତ୍ମକ ଫଳାଫଳ ନିଶ୍ଚିତ ଭାବେ ଦେଖିବାକୁ ମିଳିବ।

ତେବେ ଯଦି ହ୍ୱାଇଟ୍ ହାଉସ ଶାନ୍ତି ବଦଳରେ ପୁଣିଥରେ ଯୁଦ୍ଧର ବାଟ ବାଛେ, ତେବେ ପରିସ୍ଥିତି ଅତ୍ୟନ୍ତ ଭୟଙ୍କର ହେବ। ଇରାନର ସଶସ୍ତ୍ର ସେନା ଏବଂ ଲଢ଼ୁଆ ଯୋଦ୍ଧାମାନେ ଶତ୍ରୁପକ୍ଷ ଉପରେ ନିଆଁର ବର୍ଷା କରିବାକୁ ସମ୍ପୂର୍ଣ୍ଣ ଭାବେ ପ୍ରସ୍ତୁତ ଅଛନ୍ତି ବୋଲି ଆରାଗଚି କଡ଼ା ଭାଷାରେ ଚେତାବନୀ ଦେଇଛନ୍ତି।

Leave a Reply

Your email address will not be published. Required fields are marked *